Står klare til å snakka og svara på spørsmål i Luster: – Terskelen ...

– Me har ikkje sett i verk andre tiltak enn at kriseteamet er på tilbodssida om det er ynskje om deira hjelp, seier ordførar i Luster, Andreas Wollnick Wiese.

Måndag ettermiddag var det møte i kommunen si kriseleiing og beredskapsrådet på rådhuset i Gaupne.

– Beredskapsrådet har for så vidt ikkje noko med dette å gjera, men det var eit planlagt møte. Men me hadde behov for å oppdatera kvarandre i same rom i staden for å sitja på telefon eller med pc, seier Wiese.

Kommunen har ikkje opplevd noko vidare trykk frå folk som vil ha hjelp eller samtalar enno, men Wiese understrekar at terskelen for å ta kontakt er låg.

– Me er eit lite og tett samfunn, og det er mange som har er berørt både direkte og indirekte. Folk kan ta kontakt med kommunen eller kommunelegen som leiar kriseteamet. Dette er folk som har teieplikt. Det er viktig med låg terskel no, slik at dei som har behov for å snakka kan gjera det.

– Det er mange spørsmål og problemstillingar som kan oppstå i ei slik sak, og kriseteamet er ein naturleg del av førstelinja, seier Wiese.

Elles gjekk dei gjennom alt knivepisoden har ført med seg for kommunen.

– Inntrykket er at kriseteam, helsetenester og oppvekstsektoren er robuste. Det er det betryggande å vera vitne til.

Les meir om: artikkelemnene