Stoltenberg åtvarar om Putins planar i nord - Volda

Det skriv Stoltenberg i ein kronikk i den canadiske avisa The Globe and Mail i samband med at han besøkjer Canadas statsminister Justin Trudeau denne veka.

Der vil Arktis vere eit tema, og då spesielt russisk aggresjon i nordområda.

– Førre månad lanserte president Vladimir Putin ein ny maritim strategi for å verne arktiske farvatn 'med alle tilgjengelege middel', inkludert auka aktivitet omkring øygruppa Svalbard, og det hypersoniske missilsystemet Zircon på Nordflåten. Russlands evne til å forstyrre allierte forsterkningar over Nord-Atlanteren er ei strategisk utfordring for alliansen, skriv Stoltenberg.

Nato-sjefen åtvarar også om dei kinesiske planane i Arktis.

– Kina utvidar også rekkjevidda si, ved å erklære seg sjølv som ein «nær-arktisk stat» og planlegg ein «polar silkeveg» som knyter Kina til Europa via Arktis. Tidlegare i år lova Beijing og Moskva å intensivere det praktiske samarbeidet i Arktis, som ein del av eit utdjupande strategisk partnarskap som utfordrar verdiane og interessene våre, skriv generalsekretæren.

(©NPK)

– Arktis er inngangsporten til Nord-Atlanteren. Å sikre navigasjonsfridom og uhindra tilgang er avgjerande for å halde økonomiane våre sterke og folka våre trygge, skriv Nato-sjef Jens Stoltenberg i ein kronikk der han åtvarar om dei russiske og kinesiske planane i nordområda. Foto: Beate Oma Dahle / NTB